ဗီဒီယိုကို ယဉ်ကျေးမှုနှင့်ခရီးသွားလာရေးဝန်ကြီးဌာန နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေးဦးစီးဌာနမှ ပံ့ပိုးကူညီထားပါသည်။

တရုတ်ဟင်းလျာများသည် ကမ္ဘာနှင့်အဝှမ်း ကျော်ကြားပြီး ကမ္ဘာ့ဟင်းလျာတွဲ သုံးတွဲအနက်မှ တစ်တွဲ ဖြစ်ပါသည်။ ဟင်းအမယ်များပြား၍ အရသာ အမျိုးမျိုးရှိကာ ရာသီနှင့်အလိုက် ကိုက်ညီရပြီး အရောင်အဆင်း၊ အနံ့၊ အရသာ၊ ပုံပန်းသဏ္ဌာန်တို့နှင့် ပြည့်စုံရပါသည်။ ပါဝင်သည့် ကုန်ကြမ်းပစ္စည်းများ စိစစ်မှုရှိခြင်း၊ ဓားကိုင်ပုံ အနုစိတ်ခြင်း၊ မီးအချိန်အဆ တိကျမှုရှိခြင်း စသဖြင့် တရုတ်ဟင်းလျာများ၏ အဆင့်မြင့်မှုနှင့် တရုတ်လူမျိုးများ၏ အစားအသောက် အယူအဆများကို မဖော်ပြထားသည့် နေရာဟူ၍ မရှိပေ။

ဤအစီအစဉ်သည် ရှဉ့်အလား မန်ဒရင်းငါးဟင်းလျာ၊ သုံးမျှင်ဟင်းလျာ၊ တရုတ်မုန်ညင်းဖြူစွပ်ပြုတ်၊ ဆိတ်သားဟော့ပေါ့၊ ကြက်သွန်မြိတ်ပင်လယ်မျှော့ဟင်းလျာ အစရှိသည့် ဒေသအထင်ကရ တရုတ်ရိုးရာဟင်းလျာများကို ရွေးချယ်တင်ဆက်ထားပါသည်။ တရုတ်ဟင်းလျာများထဲတွင် ပါဝင်သည့် အစားအသောက်ယဉ်ကျေးမှု၊ အချက်အပြုတ်လက်ရာ၊ အမြင်အာရုံခံစားမှု အနုပညာနှင့် ရှည်ကြာသော သမိုင်းကြောင်းများကို တသီတတန်း အသွယ်သွယ် ဖော်ပြနေပြီး အစားအသောက်နောက်ကွယ်မှ သမိုင်းကြောင်းပုံပြင်များ၊ ဒေသအသွင်အပြင်နှင့် တရုတ်လူမျိုးများ၏ နေ့စဉ်လူမှုဘဝ ယဉ်ကျေးမှုထုံးစံများ၊ စားသောက်ပုံအလေ့အထနှင့် အစားအသောက် လက်ဆင့်ကမ်း အမွေဆက်ခံမှု စသဖြင့်တို့ကို ရှင်းလင်းဖော်ပြထားပါသည်။

တရုတ်မုန်ညင်းဖြူစွပ်ပြုတ်

“တရုတ်မုန်ညင်းဖြူစွပ်ပြုတ်” ၏ ထူးခြားချက်သည် ကုန်ကြမ်းပစ္စည်းရွေးချယ်ခြင်းမှ ဟင်းလျာချက်ပြုတ်ပြီးစီးသည်အထိ အဆင့်တိုင်းတွင် “လတ်ဆတ်ခြင်း” အနက် ပေါ်လွင်လှသည်။ ဟင်းရွက်၊ ဟင်းရည် လတ်ဆတ်မှု၊ အရောင်၊ အရသာ လတ်ဆတ်မှုများနှင့် ပြည့်စုံပါသည်။ ဟင်းရည်သည် အရသာပေါ့ပေါ့၊ အရောင်ကြည်ကြည်နှင့် အမြင်ရိုးရှင်းသည်။ ဟင်းရွက်သည် အစိမ်းနုရောင်ရှိပြီး ပုံပန်းသဏ္ဌာန် ပြည့်စုံလှပသည်။ စားပွဲသုံးဆောင်သည့်အခါ အရသာလေးပင်သည့် ဟင်းပွဲ၏ အနောက်တွင် တရုတ်မုန်ညင်းဖြူစွပ်ပြုတ်ကို တည်ခင်းလိုက်ခြင်းဖြင့် အရသာကို အဆင့်ဆင့် ဆင့်ကဲပြောင်းလဲ ခံစားမိစေပါသည်။