တရုတ်နိုင်ငံ ယဉ်ကျေးမှုနှင့် ခရီးသွားလာရေးဝန်ကြီးဌာန နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေးဦးစီးဌာန၊ Guangming Online စသည့် ဌာနအဖွဲ့အစည်းများ၏ ထောက်ခံအားပေးမှုဖြင့် တရုတ်နိုင်ငံ စုန့်ချင်လင် လူငယ်ဆိုင်ရာ သိပ္ပံနည်းပညာနှင့် ယဉ်ကျေးမှုစင်တာ (The China Soong Ching Ling Science & Culture Center for Young People) မှ ရန်ကုန်တရုတ်ယဉ်ကျေးမှုစင်တာနှင့်အတူ ပူးပေါင်းကာ “ချစ်ကြည်ရေးပေါင်းကူးတံတား၊ ယဉ်ကျေးမှုသံတမန်များ” ဟူသည့် ဆောင်ပုဒ်ကိုဦးတည်၍ ကျင်းပပြုလုပ်သော ၂၀၂၂ ခုနှစ် တရုတ်နိုင်ငံ စုန့်ချင်လင်ဖောင်ဒေးရှင်း (2022 China Soong Ching Ling Foundation) ၏ “ယဉ်ကျေးမှုသံတမန်ငယ်” လှုပ်ရှားမှုပွဲတွင် ဆန်ခါတင်စာရင်းဝင်ဆုကို ရန်ကုန်တရုတ်ယဉ်ကျေးမှုစင်တာမှ ထောက်ခံပေးခဲ့သော ကျောင်းသူ Thuy Shun Lei Tun （杨珮瑄）မှ ရရှိခဲ့ပါသည်။

တစ်ချိန်တည်းမှာပင် ရန်ကုန်တရုတ်ယဉ်ကျေးမှုစင်တာမှ ယခုလှုပ်ရှားမှုပွဲတွင်  ပါဝင်ယှဉ်ပြိုင်ရန် ဦးစီးဆောင်ရွက်ပေးမှုအပေါ် ကြီးမှူးကျင်းပသော ဌာနအဖွဲ့အစည်း၏ အသိအမှတ်ပြုခြင်းခံခဲ့ရကာ Excellent Organizer Award ကိုလည်း ရရှိခဲ့ပါသည်။

မေလ (၅) ရက် မွန်းလွဲပိုင်းတွင် စုန့်ချင်လင်ဖောင်ဒေးရှင်းမှ ပေးအပ်ချီးမြှင့်သော ဂုဏ်ပြုမှတ်တမ်းလွှာနှင့် ဆုလက်ဆောင်ပစ္စည်းများကို Thuy Shun Lei Tun （杨珮瑄）အား ရန်ကုန်တရုတ်ယဉ်ကျေးမှုစင်တာ တာဝန်ခံ Ms. Xu Ling မှ ပေးအပ်ချီးမြှင့်ခဲ့ပြီး ဤလှုပ်ရှားမှုပွဲတွင် ထူးချွန်စွာ စွမ်းဆောင်နိုင်ခဲ့မှုနှင့် ရလဒ်ကောင်းများ ရရှိခဲ့မှုအပေါ် ချီးကျူးစကားပြောကြားခဲ့ပါသည်။ တရုတ်-မြန်မာလူငယ်များအကြား အပြန်အလှန် လေ့လာနှီးနှောဖလှယ်ခြင်းကို မြှင့်တင်နိုင်ပြီး နားလည်မှုများ ပိုမိုနက်ရှိုင်းလာစေ၍ ချစ်ကြည်ရင်းနှီးမှုများ ပိုမိုတိုးတက်နိုင်စေရန် စွမ်းဆောင်ပါ ဟူ၍လည်း ချီးကျူးအားပေးခဲ့ပါသည်။