ဗီဒီယိုကို Chengdu Radio and Television International Communication Cooperation Center (Chengdu Plus) မှ ပံ့ပိုးတင်ဆက်ပေးထားပါသည်။

ဤအစီအစဉ်သည် သြစတြေးလျမှ ပညာတော်သင်ပြန်လာသူ ဂျော်ထုံကျိုး (Zhuo Tongzhou) က အရှေ့တိုင်း၏ အလှတရားဖြစ်သော ဟန်လူမျိုးရိုးရာဝတ်စုံ (Hanfu) အား ကမ္ဘာ့အလယ်သို့ မိတ်ဆက်ယူဆောင်ပေးပုံအကြောင်းများကို မှတ်တမ်းတင်ရိုက်ကူးထားပါသည်။ ချန်တူးမြို့ (Chengdu) ဇာတိဖြစ်သော ဂျော်ထုံကျိုးသည် သြစတြေးလျနိုင်ငံ ဆစ်ဒနီတက္ကသိုလ် (The University of Sydney) တွင် (၉)နှစ်ကြာ ပညာသင်ယူလေ့လာခဲ့ပြီး တရုတ်ရိုးရာယဉ်ကျေးမှုကို တိုးတက်ပြန့်ပွားစေရန် ကြိုးစားအားထုတ်ခဲ့သည်။ ၂၀၁၆ ခုနှစ်တွင် ဂျော်ထုံကျိုးသည် ဟန်လူမျိုးရိုးရာဝတ်စုံကို ဝတ်ဆင်၍ ဆစ်ဒနီတက္ကသိုလ်၏ ဘွဲ့နှင်းသဘင်အခမ်းအနားသို့ တက်ရောက်ခဲ့ပြီး ပွဲလာပရိသတ်များအကြား ရင်သပ်ရှုမောဖြစ်စေခဲ့ပါသည်။

ဘွဲ့ရရှိပြီးနောက် ဟန်လူမျိုးရိုးရာဝတ်စုံယဉ်ကျေးမှုကို တိုးတက်ပြန့်ပွားစေလိုသည့် သူမ၏ အိပ်မက်ကို အကောင်အထည်ဖော်ရန်အတွက် အမိနိုင်ငံသို့ ပြန်လာရန် ရွေးချယ်ခဲ့ပြီး ဟန်လူမျိုးရိုးရာဝတ်စုံ စတူဒီယိုရုံးခန်းကို စတင်တည်ထောင်ခဲ့ပါသည်။ “တရုတ်နိုင်ငံ၏ ဟန်လူမျိုးရိုးရာဝတ်စုံမြို့တော်”ဟု တင်စားသတ်မှတ်ခြင်းခံရသော ချန်တူးမြို့တွင် တိုက်ရိုက်ထုတ်လွှင့်ပြသခြင်း (Live) နှင့် ဗီဒီယိုအတိုများမှတစ်ဆင့် ဟန်လူမျိုးရိုးရာဝတ်စုံကို မျှဝေမိတ်ဆက်ပေးခဲ့ရာ အချိန်(၁)နှစ်မပြည့်ခင်မှာပင် ပရိသတ်တစ်သန်းကျော်ရရှိထားပြီး “ဟန်လူမျိုးရိုးရာဝတ်စုံ (Hanfu) အိပ်မက်” ကို ဆက်လက်ကြိုးပမ်းဖော်ဆောင်လျက် ရှိပါသည်။