ဗီဒီယိုကို မြန်မာနိုင်ငံ ရွှေဇာမဏီတရုတ်သတင်းဂျာနယ်တိုက်မှ ပံ့ပိုးတင်ဆက်ပေးထားပါသည်။

လွန်ခဲ့သည့် (၆၁) နှစ်အချိန်က မြန်မာနိုင်ငံ၏ ဝန်ကြီးချုပ်အဖြစ် တာဝန်ထမ်းဆောင်ခဲ့သည့် ဦးနုသည် မြန်မာ-တရုတ် နှစ်နိုင်ငံချစ်ကြည်ရေး သက်သေထူခြင်းသဘောဖြင့် အရှည် (၈၇) စင်တီမီတာ၊ အမြင့် (၉၁.၅) စင်တီမီတာရှိသော ဇာမဏီငှက်ခေါင်းသဏ္ဌာန် ခုံးဟိုစောင်းကောက် ဂီတတူရိယာကို လက်ဆောင်ပဏ္ဏာအဖြစ် တရုတ်နိုင်ငံအား ပေးအပ်ခဲ့ပါသည်။ ယခုအခါတွင် ထိုမြန်မာ-တရုတ် ချစ်ကြည်ရေးသဘောဆောင် ဂီတတူရိယာဖြင့် သာယာငြိမ့်ညောင်းသော စောင်းသံစဉ်များကို တစ်ဖန်ပြန်လည် တီးခတ်ပြီး သမိုင်းကြောင်းရှည်ကြာသည့် မြန်မာ-တရုတ် ချစ်ကြည်ရေးကို အတူတကွ ပူးပေါင်း ဖော်ကျူးသီဆိုခဲ့ကြပါသည်။

မြန်မာအဆိုတော် လျန်ယွိဟွာ (Liang Yuhua) နှင့် တရုတ်အဆိုတော် Zhaxi Dunzhu တို့ သီဆို၍ တရုတ်နိုင်ငံမှ ခုံးဟိုစောင်းကောက်(Konghou)ပညာရှင် လူလု (Lu Lu) ဖျော်ဖြေတင်ဆက်ထားသည့် “တို့ခေါ်လိုက်ပေါက်ဖော်” တေးသီချင်းကို လန်ချန်း-မဲခေါင်ပူးပေါင်းဆောင်ရွက်မှု၏ (၇)ကြိမ်မြောက် နိုင်ငံခြားရေးဝန်ကြီးအစည်းအဝေးမတိုင်မီ အကြိုနေ့၌ မြန်မာနိုင်ငံ ပုဂံမြို့တွင် ကျင်းပပြုလုပ်သော ချူအင်လိုင်းတန်ဆောင်း ပြန်လည်ဖွင့်လှစ်ခြင်းအခမ်းအနား၌ ပထမဆုံးအကြိမ် ထုတ်လွှင့်ပြသခဲ့ပြီး အိမ်နီးချင်းကောင်း၊ မိတ်ဆွေကောင်း၊ မိတ်ဖက်ကောင်း၊ ဆွေမျိုးပေါက်ဖော်ကောင်းများအဖြစ် ထာဝရ လက်တွဲနေထိုင်လိုသည့် နှစ်နိုင်ငံပြည်သူတို့၏ ဘုံသဘောဆန္ဒကို ဖော်ကျူးထားပါသည်။

ဤသီချင်းကို CICG Center for Asia and Pacific မှ စီစဉ်ထုတ်လုပ်ပြီး မြန်မာနိုင်ငံတွင် သီဆိုအသံသွင်းမှုအပိုင်းကို မြန်မာနိုင်ငံ ရွှေဇာမဏီဂျာနယ်တိုက်မှ ပံ့ပိုးကူညီထားပါသည်။