ဗီဒီယိုနှင့် ဓာတ်ပုံများကို Henan Television(HNTV)မှ ပံ့ပိုးတင်ဆက်ပေးထားပါသည်။

“အိပ်မက်ထဲမှ ကြာပဒုမ္မာ”

ပန်းတစ်ပွင့် ကမ္ဘာတစ်ခု၊ စိတ်နှလုံးသည် ကြာပဒုမ္မာအလား။ “အိပ်မက်ထဲမှ ကြာပဒုမ္မာ” အစီအစဉ်သည်  “ရေပြင်လရိပ်ကွမ်ရင်”အပေါ် စိတ်ကူးဉာဏ်ကွန့်မြူးဖန်တီးထားခြင်းဖြစ်ပြီး ကြာပန်း၏ ရှုထောင့်မှနေ၍ ဘဝ၏ ဟန်ချက်ညီ စည်းဝါးကိုက်သော လှုပ်ရှားမှုနှင့် အလှရသများကို ထိတွေ့ခံစားကာ တင့်တယ်ကြော့ရှင်းသော ကကွက်ကဟန်များဖြင့် ကြာပန်း၏ မြင့်မြတ်စင်ကြယ်မှုနှင့် အဆင့်အတန်းမြင့်မားမှုတို့ကို သရုပ်ဖော်ပြသနေပါသည်။

“ရွှန်းစိုတောက်ပစွာ၊ မင်္ဂလာကြာပဒုမ္မာ၊

ငွားငွားစွင့်စွင့်၊ ရေပြင်ထက်ပွင့်”

“ရိုးတံထီးထီး၊ စိမ်းရောင်လွှမ်းပြီး၊

ပန်းနှစ်ပွင့်ဝယ်၊ မျှဝေအနီရယ်။”

အကသမား၏ ခြေလှမ်းတိုင်းတွင် ကြာပဒုမ္မာများ ပွင့်လန်းလာပုံနှင့် ပြိုင်ဘက်ကင်းလှပသော ကကွက်ကဟန်များသည် သူမတူထူးခြားသည့် အရှေ့တိုင်းအနုသုခုမပညာရပ်ကို ထင်ဟပ်ဖော်ဆောင်နေပြီး ထိုမှတစ်ဆင့် ဗုဒ္ဓအတွေးအခေါ်၏ အလှတရားနှင့် ယင်းတွင်ပါရှိသည့် ဒဿနဆိုင်ရာ အနက်သဘောများကို ခံစားလေ့လာနိုင်ပါသည်။