ဗီဒီယိုကို China Intercontinental Communication Center မှ ပံ့ပိုးတင်ဆက်ပေးထားပါသည်။

တရုတ်နိုင်ငံသည် လက်ဖက်၏ မွေးရပ်ဌာနေ ဖြစ်သည်။ တရုတ်လူမျိုးများ လက်ဖက်ရည်ကြမ်း သောက်သုံးခြင်းသည် လူမှုဘဝအနုပညာ၏ သရုပ်ဖော်တင်ပြမှု ဖြစ်ပြီး ဂန္ထဝင်မြောက်သည့် လူမှုယဉ်ကျေးမှု ပန်းချီကားတစ်ချပ်သဖွယ် ဖြစ်ပေသည်။

လက်ဖက်ရည်ကြမ်းဆိုင်သည် လက်ဖက်ရည်ကြမ်း ကြိုက်နှစ်သက်သူများ၏ ပျော်မွေ့ရာနေရာ ဖြစ်ပြီး လူတို့ အနားယူရန်၊ အချိန်ကုန်ဆုံးရန်နှင့် ပေါင်းသင်းဆက်ဆံမှုပြုရန် နေရာတစ်ခုလည်း ဖြစ်သည်။ လူများက လက်ဖက်ရည်ကြမ်းဆိုင်သို့ လာရောက်ပြီး လက်ဖက်ရည်ကြမ်းတစ်အိုးဖျော်ကာ ဘဝအကြောင်း ထွေရာလေးပါး ပြောဆိုကြခြင်း၊ အကြောင်းသတင်းထူးများ ပြောဆိုကြခြင်းများ ပြုလုပ်ကြပါသည်။ ပြဇာတ်နားထောင်ရင်း အရသာရှိသည့် သရေစာအချိုပွဲများကို မြည်းစမ်းသုံးဆောင်ကာ အလွန်ပင် သဘောတွေ့စေပါသည်။

လက်ဖက်ရည်ကြမ်းအနုပညာသည် ယဉ်ကျေးမှုတစ်မျိုး ဖြစ်သည်။ လက်ဖက်ခြောက်ရွေးချယ်မှု၊ ရေရွေးချယ်မှု၊ လက်ဖက်ရည်ကြမ်းကျိုချက်ခြင်း အတတ်ပညာ၊ လက်ဖက်ရည်ကြမ်းအသုံးအဆောင်ပစ္စည်းဆိုင်ရာ အနုပညာ၊ ပတ်ဝန်းကျင်ရွေးချယ်ဖန်တီးမှု စသဖြင့် အကြောင်းအရာများ ပါဝင်ပါသည်။ လက်ဖက်ရည်ကြမ်းအနုပညာသည် လက်ဖက်ရည်ကြမ်း၏ သန့်စင်သိမ်မွေ့ရိုးစင်းသည့် ဟန်အနေအထားကို အမွှမ်းတင်ကာ လက်ဖက်ရည်ကြမ်း သုံးဆောင်ခြင်းကို အနုပညာဆွဲဆောင်အားများနှင့် ပြည့်စုံစေပါသည်။