တရုတ်နှင့်မြန်မာနှစ်နိုင်ငံလုံးတွင် ကာလရှည်ကြာ၍ ထွန်းလင်းထည်ဝါသော ရှေးယဉ်ကျေးမှုများနှင့် အရောင်အသွေးစုံလင်၍ ထူးခြားများပြားလှသော တိုင်းရင်းသားယဉ်ကျေးမှုများ ရှိကြပါသည်။ နှစ်နိုင်ငံ၏ ရိုးရာပွဲတော်ရက်များ၊ ရိုးရာဓလေ့ထုံးတမ်း အစဉ်အလာများမှာလည်း တစ်မျိုးတစ်ဖုံဖြင့် ဆန်းကြယ်စုံလင်လှပေသည်။  ရန်ကုန်တရုတ်ယဉ်ကျေးမှုစင်တာမှ ၂၀၂၀ ခုနှစ်၊ ဧပြီလ (၅) ရက်နေ့မှစတင်၍ “ ထူးခြားစုံလင် တရုတ်မြန်မာ ပွဲတော်ရက်သဘင်” အစီအစဉ်ကို ပွဲတော်ရက် ကျရောက်ချိန်တွင် လေ့လာမှတ်သားဖွယ် အကြောင်းအရာများကို တင်ဆက်ဖော်ပြသွားမှာဖြစ်သောကြောင့် အွန်လိုင်းပေါ်မှ မိတ်ဆွေများအားလုံး အတူတကွ ပါဝင်နိုင်ပါရန် ဖိတ်ခေါ်အပ်ပါတယ်။

သူရိန်နေဝန်းကြီးမှ လောင်ဂျီကျု ၁၅°သို့ လည်ပတ်ကျရောက်ချိန်ကို ချင်းမင် (Qing Ming) ရာသီဟု သတ်မှတ်ကာ ပုံမှန်အားဖြင့် ဧပြီလ (၄) ရက်နေ့ သို့မဟုတ် (၅)ရက်နေ့တွင် ကျရောက်လေ့ရှိသည်။

ချင်းမင် (Qing Ming) ရာသီသည် နှစ်ဆယ့်လေးခုသော တရုတ်ရိုးရာ ရာသီချိန်များအနက်မှ တစ်ခု အပါအဝင်ဖြစ်သည်။

ချင်းမင် (Qing Ming) ဆိုသည်မှာ အရာခပ်သိမ်း ရှင်သန်လန်းဆန်း၍ ရှိရှိသမျှသော အရာအားလုံး အေးချမ်းစင်ကြယ်နေသည်ဟူသော အနက်အဓိပ္ပါယ်ကို ဖော်ဆောင်ပါသည်။

ချင်းမင်ပွဲတော်(တရုတ်သင်္ချိုင်းကန်တော့ပွဲ)သည် ကျိုး(Zhou)ခေတ်လောက်က စတင်လာခဲ့ပြီး ယခုလက်ရှိအချိန်တွင် နှစ်ပေါင်း (၂၅၀၀)ကျော်သမိုင်း ရှိနေပြီဖြစ်သည်။