စနေနေ့ရုပ်ရှင်အစီအစဉ် “အကယ်၍ နိုင်ငံ့ရတနာတွေသာ စကားပြောတတ်ခဲ့သည်ရှိသော်” မှတ်တမ်းရုပ်ရှင် - “ရှီးဖိန်ကျောက်စာကျမ်း”
ရန်ကုန်တရုတ်ယဉ်ကျေးမှုစင်တာမှ ယခုအပတ် “စနေနေ့ရုပ်ရှင်အစီအစဉ်” တွင် “အကယ်၍ နိုင်ငံ့ရတနာတွေသာ စကားပြောတတ်ခဲ့သည်ရှိသော် (Season 2) အပိုင်း(၁၄)၊ ရှီးဖိန်ကျောက်စာကျမ်း” မှတ်တမ်းရုပ်ရှင်ကို ကြည့်ရှုသူ ပရိတ်သတ်အပေါင်းတို့အတွက် တင်ဆက်ပြသပေးသွားမည် ဖြစ်ပါသည်။ ယခုအပတ်သည် (၁၄)ကြိမ်မြောက်အပတ် ဖြစ်ပါသည်။
ဗီဒီယိုအား China Media Group (CMG) မှ ကူးယူဖော်ပြထားပါသည်။
မှတ်တမ်းရုပ်ရှင်
“အကယ်၍ နိုင်ငံ့ရတနာတွေသာ စကားပြောတတ်ခဲ့သည်ရှိသော်”（Season 2）
အပိုင်း (၁၄) “ရှီးဖိန်ကျောက်စာကျမ်း”
ကြာချိန် - ၅ မိနစ်
အကြောင်းအရာမိတ်ဆက်အကျဉ်း
ထုထည်အလွန်ကြီးမားပြီး ခံ့ညားထည်ဝါလှသော ရှီးဖိန်ကျောက်စာကျမ်းသည် တရုတ်သမိုင်းပေါ်တွင် အစိုးရမှ တရားဝင်သတ်မှတ်ထားသည့် ပထမဦးဆုံးသော ကျောက်စာကျမ်းဖြစ်သည်။ ထိုကျောက်စာကျမ်းတွင် ကျောက်စာအချပ်ရေ (၄၆) ချပ် ပါရှိပြီး စာလုံးရေစုစုပေါင်း (၂)သိန်း ထွင်းထုရေးထိုးထားပါသည်။ ကွန်ဖြူးရှပ်ဝါဒဂန္တဝင်ကျမ်းများဖြစ်သော “Zhou Yi” ၊ “Shang Shu” ၊ “Lun Yu” ၊ “Chun Qiu” စသည်တို့ကို ရှေးဟောင်းတရုတ်နိုင်ငံ၏ ထိုက်ရွှဲတက္ကသိုလ်တွင်ထဲတွင် ထွင်းထုမှတ်တမ်းတင်ခဲ့ပြီး သုန်းဟန်(Dong Han)ခေတ်၏ ယဉ်ကျေးမှုရတနာတစ်ပါး ဖြစ်ခဲ့ပါသည်။
ရှီးဖိန်ကျောက်စာကျမ်းသည် တရုတ်နိုင်ငံ၏ စာပေ ၊ တရုတ်စာ မင်စုတ်ချက်လက်ရေးလှနှင့် ထွင်းထုခြင်း အဆင့်အတန်းတို့၏ ပထမဦးဆုံးအကြိမ် ပြီးပြည့်စုံသော ပေါင်းစပ်မှုဖြစ်သည်။ ထိုကျောက်စာကျမ်းသည် လူတို့ စာလုံးမူကွဲများတိုက်စစ်ရန်၊ စာသားစံညွှန်းများသတ်မှတ်ရန်အတွက် တိကျသောစံနမူနာ ပေးခဲ့ပါသည်။ တစ်ချိန်တည်းမှာပင် နောက်ပိုင်းမင်းဆက်များ၏ ဂန္တဝင်စာရွက်စာတမ်းများပါရှိသည့် အကြောင်းအရာများကို အကြီးစားကျောက်ထွင်းထုခြင်းအတွက် အသိအမြင်ကြွယ်ဝစေသော အဓိပ္ပာယ်များ ပါရှိနေပါသည်။
