တရုတ်နွေဦးနှစ်သစ်ကူးပွဲတော်သည် တရုတ်လူမျိုးများ၏ အခမ်းနားဆုံးနှင့် အကြီးကျယ်ဆုံးသော ရိုးရာပွဲတော်တစ်ခု ဖြစ်သည်။ နေရာဒေသအလိုက် တရုတ်နွေဦးနှစ်သစ်ကူးပွဲတော်၏ ဓလေ့ထုံးစံများသည်လည်း ကွဲပြားမှုများရှိသည်။ တရုတ်နိုင်ငံ၏ အနောက်တောင်ပိုင်းဒေသတွင် စီချွမ်ဒေသခံများ (Sichuan) သည် ၎င်းတို့၏ အေးဆေးသာယာသော လူနေမှုဘဝပုံစံဖြင့် လူသိများသည်။ တရုတ်နှစ်သစ်ကူးကာလတွင် နေရာတိုင်း၌ ပါးသျှူယဉ်ကျေးမှု (Bashu) အငွေ့အသက်များဖြင့် ဖုံးလွှမ်းလျက် ရှိပါသည်။

“အေးဆေးသာယာ စီချွမ်ပြည်နယ်မှာ၊ ကြိုဆိုနွှဲပျော် တရုတ်နှစ်သစ်ကူးပွဲတော်” အစီအစဉ်သည် နွေဦးပွဲတော် အစပြုရာမြေဖြစ်သော စီချွမ်ပြည်နယ် လန်ကျုံးမြို့ (Langzhong) ၊ ဖျင်ဝူကောင်တီ (Pingwu) စက္ကူအလှညှပ်ပညာ၊ မြန်ကျူမြို့ (Mianzhu) သစ်သားပြားနှစ်သစ်ကူးမင်္ဂလာပန်းချီ၊ ကျင်ယန်ကောင်တီ (Jingyan) တောင်သူပန်းချီ၊ ချန်ဒူးမြို့ (Chengdu) ဝူဟိုဘုရားကျောင်းပွဲတော် (Wuhou) ၊ ရှီချောင်မြို့ (Shiqiao) မီးပန်းနဂါးအက၊ ကျစ်ကုံ့မြို့ (Zigong) မီးထွန်းပွဲတော်နှင့် စီချွမ်အစားအစာများ အစရှိသည့် နှစ်သစ်ကူးရိုးရာဓလေ့များမှတစ်ဆင့် စီချွမ်ပြည်နယ်၏ ကြွယ်ဝစုံလင်သော နှစ်သစ်ကူးယဉ်ကျေးမှုများ၊ စီချွမ်ဒေသခံတို့၏ အေးဆေးသာယာသော ဘဝနေထိုင်မှုပုံစံများနှင့် အကောင်းမြင်စိတ်၊ တိုးတက်လိုစိတ်များကို တင်ဆက်ဖော်ပြရင်း ကမ္ဘာသူကမ္ဘာသားများအား ကျန်းမာပျော်ရွှင်ကြပါစေကြောင်း ဆုမွန်ကောင်းများ ပို့သလိုက်ပါသည်။