ဗီဒီယိုကို China Media Group (CMG) မှ ပံ့ပိုးတင်ဆက်ပေးထားပါသည်။

ပေကျင်းဆောင်းရာသီအိုလံပစ် မြန်နှုန်းမြင့်ရထားသည် ပေကျင်းဆောင်းရာသီအိုလံပစ်ပြိုင်ပွဲအတွက် အထူးတလည် ပြုလုပ်ဖန်တီးထားသော ရထားဖြစ်ပြီး စမတ်နည်းပညာအသုံးပြုမှု၊ စွမ်းအင်ချွေတာမှု၊ လူ့ယဉ်ကျေးမှု စသည့် ထူးခြားချက်များ ပါရှိသည်။ အဆိုပါ မြန်နှုန်းမြင့်ရထားသည် ပေကျင်းဆောင်းရာသီအိုလံပစ်ပြိုင်ပွဲနှင့် ပေကျင်းဆောင်းရာသီမသန်စွမ်းအိုလံပစ်ပြိုင်ပွဲတို့အတွက် သယ်ယူပို့ဆောင်ရေးဝန်ဆောင်မှုများကို ဇန်နဝါရီလ (၂၁) ရက်နေ့မှ မတ်လ (၁၆) ရက်နေ့အထိ စုစုပေါင်း (၅၅) ရက်ကြာ ဆောင်ရွက်ပေးခဲ့ပါသည်။

ပေကျင်းဆောင်းရာသီအိုလံပစ် မြန်နှုန်းမြင့်ရထားတွင် 5G နည်းပညာသုံး Ultra HD  ရုပ်သံလွှင့်စတူဒီယိုခန်း ပါရှိသည်။ ရထားဒီဇိုင်းအပြင်အဆင်မှာ ရေခဲဆီးနှင်း၏ အပြာရောင်အောက်ခံပေါ်တွင် လွင့်ဝဲလွန့်လူးနေသော အဖြူရောင်လိုင်းများ တွဲဖက်ထားပြီး နှင်းပွင့်နှင့် အားကစားပုံရိပ်များမှာ လိုက်ဖက်ညီကာ ပေကျင်းဆောင်းရာသီအိုလံပစ်ပြိုင်ပွဲ အငွေ့အသက်များကို ပေါ်လွင်စေပါသည်။

ရထားအတွင်းရှိ အထောက်အကူပြုပစ္စည်းများမှာ နည်းပညာ အဆင့်မြင့်၍ ခေတ်မီဆန်းသစ်သည်။ ရထားမျက်နှာကြက်ပေါ်၌ ချိတ်ဆွဲထားသည့် နှင်းပွင့်အဆင်တန်ဆာလေးများက ဤခရီးစဉ်သည် ကြည်နူးပျော်ရွှင်ဖွယ် ရေခဲဆီးနှင်းခရီးစဉ်တစ်ခုဖြစ်ကြောင်းကို စီးနင်းလိုက်ပါလာသည့် ခရီးသည်များအား ဖော်ရွေပျူငှာစွာ အသိပေးနေသကဲ့သို့ပင် ဖြစ်နေပါသည်။ တစ်နာရီလျှင် (၃၅၀) ကီလိုမီတာအထိ မောင်းနှင်နိုင်သော ဤမြန်နှုန်းမြင့်ရထားသည် မြန်ဆန်၍ ငြိမ်သည်။ ပေကျင်းမြို့ ချင်းဟော်ဘူတာ (Qinghe) မှ ရန်ချင့် (Yanqing) ၊ ထိုက်ဇီချိန် (Taizicheng) နှင့် ချုံလီဘူတာ (Chongli) များအထိ မောင်းနှင်ရန် ကြာချိန်အသီးသီးမှာ (၂၆) မိနစ်၊ (၅၀) မိနစ်နှင့် (၆၅) မိနစ်မျှသာ ဖြစ်သည်။

ယနေ့အစီအစဉ်တွင် မြန်မာသတင်းထောက်နှင့်အတူ ပေကျင်းဆောင်းရာသီအိုလံပစ် မြန်နှုန်းမြင့်ရထားကို လိုက်ပါစီးနင်းပြီး တရုတ်နိုင်ငံ၏ တိုးတက်မှုအရှိန်အဟုန်ကို ကြည့်ရှုခံစားကြရအောင်။