ဗီဒီယိုကို ယဉ်ကျေးမှုနှင့်ခရီးသွားလာရေးဝန်ကြီးဌာန နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေးဦးစီးဌာနမှ ပံ့ပိုးကူညီထားပါသည်။

“ဆောင်းတွင်းရောဂါ နွေအခါကုသ” ဆိုသည်မှာ ဆောင်းရာသီ၏ ချမ်းအေးမှုကြောင့် ဖြစ်ပေါ်လာသော သို့မဟုတ် ပိုမိုပြင်းထန်လာသော ရောဂါဝေဒနာများအား ထိုရောဂါများ သက်သာသော နွေရာသီတွင် သင့်လျော်သည့် ထိန်းညှိကုသခြင်းနည်းလမ်းဖြင့် ကြိုတင်ကာကွယ်ခြင်း သို့မဟုတ် လျော့ကျစေခြင်းများမှ နောက်ဆုံး အမြစ်ပြတ်ပျောက်ကင်းစေခြင်းကို ရည်ရွယ်သည့် ရာသီလွန် သဘာဝကုထုံး ဖြစ်သည်။ ဆောင်းတွင်းရောဂါ နွေအခါကုသခြင်းနည်းလမ်းသည် တရုတ်နိုင်ငံ၏ ရှေးတရုတ်တိုင်းရင်းဆေးပညာတွင် တောက်ပလင်းလက်သော ရတနာတစ်ပါးပင် ဖြစ်သည်။ ၎င်းသည် အဓိကအားဖြင့် “ကောင်းကင်နှင့်လူသား တစ်သားတည်းသား” နှင့် “နွေဦးနှင့်နွေ အနွေးဓာတ်ဝေ” ဟူသည့် နိယာမသဘောတရားများကို အခြေခံထားခြင်း ဖြစ်သည်။