ဗီဒီယိုကို တရုတ်နိုင်ငံ ယဉ်ကျေးမှုနှင့် ခရီးသွားလာရေးဝန်ကြီးဌာနမှ ပံ့ပိုးကူညီထားပါသည်။

ကွန်ဖူးရုပ်ရှင်ဆိုသည်မှာ စီးပွားဖြစ် ရုပ်ရှင်အမျိုးအစားတစ်မျိုး ဖြစ်ပြီး တရုတ်ဝူရှူးသိုင်းပညာအား ကမ္ဘာအနှံ့ ပြန့်ပွားအောင် ဆောင်ရွက်ရာတွင် လျှော့တွက်မရသော တွန်းအားတစ်ခုပင် ဖြစ်သည်။

ဝူရှူးသိုင်းပညာနှင့် ရုပ်ရှင်ဇာတ်ကားတို့၏ ပေါင်းစည်းမှုသည် နှစ်ဖက်လုံးအား အပြန်အလှန် အကျိုးပြုနေပေသည်။ ရုပ်ရှင်၊ မီဒီယာများမှတစ်ဆင့် ဝူရှုးသိုင်းပညာယဉ်ကျေးမှုကို မိတ်ဆက်ဝေမျှပေးနိုင်သကဲ့သို့ ဝူရှူးသိုင်းပညာသည်လည်း ရုပ်ရှင်ဇာတ်လမ်းများအတွက် အကြောင်းကဏ္ဍအသစ်များကို ဖန်တီးပေးစွမ်းနိုင်ပါသည်။

ဘရုစ်လီ (Bruce Lee) ကဲ့သို့သော ကွန်ဖူးကြယ်ပွင့်များ ထွက်ပေါ်လာမှုနှင့်အတူ တရုတ်ဝူရှူးသိုင်းပညာသည်လည်း ရုပ်ရှင်ဇာတ်လမ်းများနှင့် နာမည်ကျော်ကြယ်ပွင့်များ၏ လွှမ်းမိုးမှု အကူအညီများဖြင့် ကမ္ဘာ့စင်မြင့်ထက်သို့ တက်လှမ်းနိုင်ခဲ့ပါသည်။