ဗီဒီယိုကို တရုတ်နိုင်ငံ ယဉ်ကျေးမှုနှင့် ခရီးသွားလာရေးဝန်ကြီးဌာနမှ ပံ့ပိုးကူညီထားပါသည်။

ထိုက်ကျီသိုင်း (Tai Chi) သည် တရုတ်ရိုးရာယဉ်ကျေးမှု အငွေ့အသက်များနှင့် ရှေးရိုးရာ ဒဿနအတွေးအမြင်များ ကြွယ်ဝသော သိုင်းပညာရပ် ဖြစ်သည်။ ဤအချက်ကြောင့်ပင် ထိုက်ကျီသိုင်းသည် မြောက်မြားစွာသော သိုင်းကွက်များအနက် ထင်ပေါ်ကျော်ကြားပြီး သူမတူအောင် ထူးခြားပေသည်။

ထိုက်ကျီသိုင်း၏ လက်ဆင့်ကမ်း အမွေဆက်ခံမှုဖြစ်စဉ်အတွင်း အမျိုးမျိုးသော ဂိုဏ်းကွဲများစွာ ပေါ်ထွက်လာခဲ့လေသည်။ ယင်းတို့အနက် ချန်ပုံစံ (Chen) ၊ ယန်ပုံစံ (Yang) ၊ စွန်းပုံစံ (Sun) ၊ ဝူးပုံစံ (Wu) နှင့် ဝူပုံစံ (Woo) စသည့် ပုံစံ (၅) မျိုးတို့သည် ပို၍ ကျယ်ကျယ်ပြန့်ပြန့် ရှိသည်။ ဂိုဏ်းကွဲအသီးသီးတို့အကြားတွင် အလွန်နီးစပ်သည့် ဆက်နွှယ်မှုများ ရှိသကဲ့သို့ ထူးခြားချက်ကိုယ်စီလည်း ရှိကြပေသည်။

ထိုက်ကျီသိုင်းသည် ကာလရှည်ကြာသော ဆင့်ကဲပြောင်းလဲမှုဖြစ်စဉ်အတွင်း မိမိကိုယ်ကို ကျင့်ကြံနေထိုင်ခြင်း၊ ကိုယ်ခန္ဓာကျန်းမာကြံ့ခိုင်ခြင်းနှင့် စိတ်နှလုံးအေးချမ်းပျော်မွေ့ခြင်းကို အဓိက ရည်ရွယ်သည့် ကိုယ်ကာယအားကစားအဖြစ် တဖြည်းဖြည်း တိုးတက်ပြောင်းလဲလာခဲ့ပြီး ကမ္ဘာအနှံ့အပြားသို့ ကျယ်ကျယ်ပြန့်ပြန့် ပျံ့နှံ့သွားခဲ့ပါသည်။