ဗီဒီယိုကို China Media Group (CMG) မှ ပံ့ပိုးတင်ဆက်ပေးထားပါသည်။

ယူနန်ပြည်နယ် တာ့လီမြို့ (Dali)တွင် “ကျီကျောက်အမ်း” (Jizhao’an)ဟုခေါ်သော သီလရှင်ကျောင်းတစ်ကျောင်းရှိပြီး ချန်းရှန်းတောင် (Cang Shan) ၏ တောင်ခါးလယ်တွင် တည်ရှိကာ တောင်တန်းပြာပြာ မြူခိုးဝေ့ဝေ့များအကြား ကွယ်ဝှက်နေပေသည်။ “ကျီကျောက်အမ်း သီလရှင်ကျောင်း” (Jizhao’an) ဆိုသည်မှာ “နေရောင်ခြည်ကဲ့သို့ တောက်ပပြီး တည်ငြိမ်အေးချမ်းသော သီလရှင်ကျောင်း” ဟူသော အနက်ရှိပြီး ဤနေရာသည် ယင်း၏အမည်အတိုင်းပင် အလွန်တိတ်ဆိတ်ငြိမ်သက်‌လှသည်။ ကျောင်းဘေးပတ်ဝန်းကျင်တွင် ထင်းရှူးပင်များဖြင့် ဝန်းရံအုပ်ဆိုင်းနေပြီး ပတ်ဝန်းကျင် အေးချမ်းတိတ်ဆိတ်နေကာ နေရာတိုင်း၌ ကြည်လင်လန်းဆန်း ငြိမ်သက်အေးချမ်းသော အငွေ့အသက်များ ရရှိခံစားနေစေ‌ပါသည်။ 

ကျောင်းတော်၏ တံခါး‌ခြေနင်းဘောင်အတွင်းသို့ လှမ်းလျှောက်ဝင်ရောက်လာလျှင် ဘေးတစ်ဖက်တစ်ချက်စီတွင် သစ်ပင်ပန်းမန်မျိုးစုံကို အပြည့်အနှက် ခင်းကျင်းထားသည်။ ဤနေရာတွင် သီလရှင်ကျောင်း အငွေ့အသက်များ မရှိပါဘဲနှင့် ယင်းသည် နွေဦးရာသီအငွေ့အသက်များ အပြည့်အဝရှိနေသော အနုပညာဥယျာဉ်နှင့် ပိုတူသည်ဟုပင် သင်အံ့သြမိပါလိမ့်မည်။

မြက်တစ်‌ပွေ သစ်တစ်ပင်၊ အုတ်တစ်ချပ် သဲတစ်ပွင့်၊ သက်သတ်လွတ်ဟင်းလျာတစ်ပွဲ၊ ရေနွေးကြမ်းတစ်ခွက် စသဖြင့် ကျီကျောက်အမ်း သီလရှင်ကျောင်း (Jizhao’an)၏ အချိန်မိနစ်စက္ကန့်တိုင်းသည် အလွန်ပင် သာယာကောင်းမွန်‌လှပါသည်။