ယဉ်ကျေးမှုဟူသည် အပြန်အလှန်ဆက်ဆံခြင်းဖြင့် အရောင်အသွေးစုံလင်လာပြီး အပြန်အလှန် လေ့လာသင်ယူခြင်းကြောင့် များပြားကြွယ်ဝလာခြင်း ဖြစ်သည်။ လူငယ်များသည် ယဉ်ကျေးမှု၏ သံတမန်၊ ကမ္ဘာလောကကြီး၏ အနာဂတ်ပင် ဖြစ်သည်။ တရုတ်နှင့် နိုင်ငံရပ်ခြားရှိ လူငယ်များအကြားရှိ ဆက်ဆံရေးနှင့် နားလည်သိရှိမှုများ ပိုမိုတိုးတက်စေရန်အလို့ငှာ  “ချစ်ကြည်ရေး၏ ပေါင်းကူးတံတား၊ ယဉ်ကျေးမှု၏ သံတမန်များ - ၂၀၂၁ ခုနှစ် တရုတ်စုန့်ချင့်လင်ဖောင်ဒေးရှင်း (China Soong Ching Ling Foundation) ယဉ်ကျေးမှုသံတမန်ငယ်” လှုပ်ရှားမှုပွဲအစီအစဉ်ကို မိတ်ဆက်ပေးပါရစေ။

ဤလှုပ်ရှားမှုပွဲအစီအစဉ်ကို တရုတ်စုန့်ချင့်လင်ဖောင်ဒေးရှင်းမှ ကြီးမှူးဆောင်ရွက်ပြီး “ဖော်ဆောင်အိပ်မက် ဆောင်းအိုလံပစ်ပွဲအတွက်၊ ဆုံစည်းကြမယ် ပေကျင်းမြို့ဝယ်” ခေါင်းစဉ်ဖြင့် ပြည်တွင်းပြည်ပရှိ လူငယ်များ၏ ဗီဒီယိုအတိုများကို စုဆောင်းထုတ်လွှင့်ပြသကာ မေတ္တာတရားနှင့် စည်းလုံးခြင်းတို့ကို အားကစားစိတ်ဓာတ်အဖြစ် ခံယူပြီး ကမ္ဘာတစ်ဝှမ်းရှိ ကလေးသူငယ်များ၏ စကားသံဖြင့် ဆောင်းရာသီအိုလံပစ်ပွဲကို ဂုဏ်ပြုသွားမည်ဖြစ်ပါသည်။

ဤအစီအစဉ်ကို နိုင်ငံရပ်ခြားရှိ တရုတ်ယဉ်ကျေးမှုစင်တာမှ ရွေးချယ်ထောက်ခံချက်ပေးခြင်း၊ ပဏာမအဆင့် ရွေးချယ်ခြင်း၊ အွန်လိုင်းတွင် ထုတ်လွှင့်တင်ဆက်ကာ မဲပေးခြင်းနှင့် ကျွမ်းကျင်ပညာရှင်များက ထပ်မံအကဲဖြတ် စိစစ်ရွေးချယ်ခြင်းဟူ၍ အဆင့်(၄)ဆင့်ဖြင့် ရွေးချယ်ကာ “ယဉ်ကျေးမှုသံတမန်ငယ်” ၊ “ရွေးချယ်စာရင်းဝင်ဆု (finalist)” အစရှိသည့် ဆုများကို ချီးမြှင့်သွားမည်ဖြစ်သည်။ “ယဉ်ကျေးမှုသံတမန်ငယ်” ဆုရရှိသူကို ဂုဏ်ပြုမှတ်တမ်းလွှာနှင့် ဂုဏ်ပြုဆု၊ “ရွေးချယ်စာရင်းဝင်ဆု” ရရှိသူကို ဂုဏ်ပြုမှတ်တမ်းလွှာ ပေးအပ်ချီးမြှင့်သွားမည်ဖြစ်ပြီး COVID-19 ရောဂါအခြေအနေအပေါ်မူတည်၍ ဆုရရှိသူများကို အချိန်နှစ်နှစ်အတွင်း offline နှီးနှောဖလှယ်ခြင်း လှုပ်ရှားမှုပွဲကို ပါဝင်ဆင်နွှဲနိုင်ရန် ဖိတ်ကြားသွားမည်ဖြစ်ပြီး ထိုကာလအတွင်းရှိ စားသောက်နေထိုင်စရိတ်များကို ပွဲကြီးမှူးဆောင်ရွက်သူဘက်မှ အကုန်အကျခံ ဖိတ်ကြားဆောင်ရွက်ပေးသွားပါမည်။

သို့ဖြစ်ပါ၍ တရုတ်နှင့်မြန်မာနှစ်နိုင်ငံရှိ အသက် ၁၃ နှစ်မှ ၁၆ နှစ်အရွယ် ကလေးလူငယ်များ (၂၀၀၅ခုနှစ်၊ ဇန်နဝါရီလ ၁ ရက်နေ့မှ ၂၀၀၈ ခုနှစ်၊ ဒီဇင်ဘာလ ၃၁  ရက်နေ့အကြား မွေးဖွားသူများ) စိတ်ပါဝင်စားပါက တက်ကြွစွာ နာမည်စာရင်း ပေးသွင်းနိုင်ပါကြောင်း ရန်ကုန်တရုတ်ယဉ်ကျေးမှုစင်တာမှ ဖိတ်ခေါ်အပ်ပါသည်။ ပါဝင်လိုပါက ဇူလိုင်လ ၂၈ ရက်နေ့ မတိုင်မီ နောက်ဆုံးထား၍ နာမည်စာရင်းပေးသွင်း ဖြည့်စွက်ကာ တင်ဆက်မည့် အကြောင်းအရာကို ရေးသားပြင်ဆင်ပြီး ဗီဒီယိုဖိုင်နှင့်အတူ လျှောက်လွှာနှင့် အချက်အလက်များကို တစ်ပါတည်း အီးမေးလ်လိပ်စာ cccygn@chinaculture.org သို့ ပေးပို့နိုင်ပါသည်။ နောက်ဆုံးရွေးချယ်ခံရသည့် လက်ရာများကို တရုတ်သတင်းဌာန အစရှိသည့် မီဒီယာပလက်ဖောင်းတွင် ထုတ်လွှင့်တင်ဆက်သွားမည်ဖြစ်သည်။

ပါဝင်လိုသူများအနေဖြင့် အောက်ဖော်ပြပါ သတ်မှတ်ချက်များအတိုင်း မိမိမူပိုင် ဖန်တီးထားသည့် ဗီဒီယိုကို ရိုက်ကူး၍ ပေးပို့ပါဝင်နိုင်ပါသည်။ အသေးစိတ် စည်းကမ်းချက်မှာ အောက်ပါအတိုင်း ဖြစ်သည်။

၁။ ဘာသာစကား - ပြောဆို၊တင်ဆက်၊မိတ်ဆက်ခြင်းများအတွက် ကမ္ဘာ့ကုလသမဂ္ဂလုပ်ငန်းသုံး ဘာသာစကားများဖြစ်သည့် အာရပ်၊ တရုတ်၊ အင်္ဂလိပ်၊ ပြင်သစ်၊ စပိန်၊ ရုရှားဘာသာစကားများဖြင့် ပြောဆိုနိုင်သည်။ တရုတ်ဘာသာစကားဖြင့် တင်ဆက်ခြင်းကို ပို၍အားပေးပါသည်။

၂။ ဗီဒီယိုကြာချိန် - ၆ မိနစ်အတွင်း ဖြစ်ရမည်။

၃။ ဗီဒီယိုအကြောင်းအရာ -

ပထမအပိုင်း

(၁) မိမိကိုယ်ကို မိတ်ဆက်ခြင်း -  မိမိ၏ တရုတ်ယဉ်ကျေးမှု သင်ယူခဲ့ရခြင်း အတွေ့အကြုံ၊ မိမိ၏ တရုတ်နိုင်ငံ ခရီးသွားအတွေ့အကြုံ၊ နိုင်ငံတကာယဉ်ကျေးမှု နှီးနှောဖလှယ်ရေး ပါဝင်ဆင်နွှဲခဲ့ခြင်း၊ ဆုရရှိခဲ့ခြင်းများ စသဖြင့်။

(၂) အစီအစဉ်တွင် ပါဝင်သော တရုတ်နှင့် နိုင်ငံရပ်ခြားမှ လူငယ်များအတွက် ဆုမွန်ကောင်းစကား

(၃) ၂၀၂၂ ခုနှစ် ပေကျင်းဆောင်းရာသီအိုလံပစ်ပွဲအတွက် ဂုဏ်ပြုဆုတောင်းစကား

ဒုတိယအပိုင်း

သတ်မှတ်ပြဋ္ဌာန်းချက်အရ ထည့်သွင်းပါဝင်ရမည့် အကြောင်းအရာများ

(အနည်းဆုံး တစ်ချက်ကို ရွေးချယ်ရမည်။ တစ်ခုထက်ပို၍ ရွေးချယ်လျှင် အလျဉ်းသင့်သလို အမှတ်ပို ရရှိနိုင်သည်။)

(၁) ၂၀၂၂ ခုနှစ် ပေကျင်းဆောင်းရာသီအိုလံပစ်ပွဲအတွက် ဆုမွန်ကောင်းစကားများကို တရုတ်ဘာသာစကားဖြင့် ရေးသားခြင်း။ စာအရေးအသား အကြောင်းအရာကို ကိုယ်ပိုင်စဉ်းစား ရေးသားနိုင်သည်။

(၂) ပွဲကျင်းပရေးကော်မတီမှ ပေးထားသော ကဗျာစာရင်းများထဲမှ နှစ်သက်ရာတစ်ပုဒ်ကို ရွေးချယ်ပြီး တရုတ်ဘာသာစကားဖြင့် အပြည့်အစုံ ရွတ်ဆိုခြင်း။ (စာရင်းကို နောက်တွင် ဖော်ပြပေးထားသည်)

မိမိစိတ်ကြိုက် ရွေးချယ်နိုင်သည့် အကြောင်းအရာများ

(အောက်ဖော်ပြပါ အချက်များထဲမှ အကြောင်းအရာကို အများအပြား ရွေးချယ်နိုင်ပါသည်။ တစ်ခုထက်ပို၍ ရွေးချယ်လျှင် အလျဉ်းသင့်သလို အမှတ်ပို ရရှိနိုင်သည်။)

(၃) တရုတ်ဘာသာစကားဖြင့် ပေကျင်းဆောင်းရာသီအိုလံပစ်ပွဲ၏ “ဆုံစည်းကြမယ် ပေကျင်းမြို့ဝယ်” သီချင်းကို သီဆိုခြင်း။ သီဆိုထားသည့် သီချင်းကို နောက်ခံတေးဂီတပုံစံအဖြစ် သုံး၍ဖြစ်စေ၊ သီချင်းတစ်စိတ်တစ်ပိုင်းကို သီဆိုခြင်းပုံစံဖြင့်ဖြစ်စေ ပါဝင်နိုင်သည်။ (တေးသွားကို နောက်တွင် ဖော်ပြပေးထားသည်)

(၄) တေးတူရိယာဖြင့် ပေကျင်းဆောင်းရာသီအိုလံပစ်ပွဲ၏ “ဆုံစည်းကြမယ် ပေကျင်းမြို့ဝယ်” သီချင်းကို တီးခတ်တီးမှုတ်ခြင်း။ တီးခတ်တီးမှုတ်ထားသည့် တေးသွားကို နောက်ခံတေးဂီတပုံစံအဖြစ် သုံး၍ဖြစ်စေ၊ သီချင်းတစ်စိတ်တစ်ပိုင်းကို တီးခတ်တီးမှုတ်ခြင်းဖြင့်ဖြစ်စေ ပါဝင်နိုင်သည်။

(၅) ဆီးနှင်းအားကစားခေါင်းစဉ်ဖြင့် ပန်းချီရေးဆွဲခြင်း။ ပန်းချီရေးဆွဲခြင်းနည်းလမ်းပုံစံ ကန့်သတ်ချက်မရှိပါ။ ဖန်တီးရေးဆွဲမှုလုပ်ငန်းစဉ်နှင့် ပန်းချီလက်ရာအကြောင်း အကျဉ်းချုပ်ကို ဗီဒီယိုဖိုင်ဖြင့် မိတ်ဆက်ရှင်းလင်းပြသရမည်။

(၆) တေးသီချင်းသီဆိုခြင်း၊ တေးတူရိယာ တီးခတ်တီးမှုတ်ခြင်း၊ ပန်းချီဆွဲခြင်း ပုံစံတို့ဖြင့် တင်ဆက်‌ဖော်ပြထားသည့် ပေကျင်းဆောင်းရာသီအိုလံပစ်ပွဲ သို့မဟုတ် ဆီးနှင်းအားကစားနှင့် ပတ်သက်သော အနုပညာလက်ရာများ။

တတိယအပိုင်း

ဤလှုပ်ရှားမှုပွဲ၏ ခေါင်းစဉ်ကြီးကို ပြောဆိုပြီး ပွဲအတွက် ဂုဏ်ပြုဆုမွန်ကောင်းစကား ပြောကြားခြင်း။

၄။ ဗီဒီယိုပုံစံအမျိုးအစား - ဗီဒီယိုရုပ်ထွက် ရှင်းလင်းပြတ်သား ကြည်လင်ငြိမ်သက်ပြီး ရုပ်ပုံအနေအထား ပြည့်စုံကာ အသံနှင့် ရုပ်မျက်နှာပြင်တင်ဆက်မှုမှာ တစ်ပြေးတည်း ဖြစ်နေရမည်။ Uncompressed avi、mov、wmv、mpg အစရှိသည့် format ဖြစ်နေရပြီး Resolution 1920×1080 ရှိသော အလျားလိုက်အနေအထားဖြင့် ရိုက်ကူးထားသော ဗီဒီယို ဖြစ်ရမည်။ မူပိုင်မဟုတ်သည့် အချက်အလက်ဗီဒီယိုဖိုင်များကို အသုံးမပြုရပါ။ watermark နှင့် စာတန်းထိုးစာသားများ မရှိနေစေရပါ။

၅။ စာသားရှင်းလင်းချက် - မိမိကိုယ်ကို မိတ်ဆက်ခြင်း၊ ဗီဒီယိုပါ အကြောင်းအရာရှင်းလင်းချက်၊ ၂၀၂၂ ခုနှစ် ပေကျင်းဆောင်းရာသီအိုလံပစ်ပွဲအတွက် ဂုဏ်ပြုဆုမွန်ကောင်းစကားများကို စာသားပုံစံဖြင့်ပါ ပေးပို့ရမည်။ စာသားရှင်းလင်းချက်နှင့် ဗီဒီယိုသုံး ဘာသာစကားနှစ်မျိုးလုံး တူညီနေရမည်။  အထက်ပါ စည်းကမ်းချက်နှင့်အညီ လျှောက်လွှာ‌ထဲတွင် တစ်ပါတည်းရေးသားကာ အီးမေးလ်ခေါင်းစဉ်ကို “Myanmar + China Cultural Center in Yangon + Student’s Name” ပုံစံဖြင့် ပေးပို့ရမည်။

၆။ ဆုချီးမြှင့်ခြင်း - ဆုရရှိသူစာရင်းများကို ၂၀၂၁ ခုနှစ်၊ စက်တင်ဘာလတွင် ထုတ်ပြန်ကြေညာရန် လျာထားပါသည်။ ထို့အပြင် အောက်တိုဘာလ ၂၈ ရက်နေ့ ပေကျင်းဆောင်းရာသီအိုလံပစ်ပွဲ မတိုင်မီ ရက် ၁၀၀ အချိန်တွင် online နှင့် offline ပုံစံများကို ပေါင်းစပ်ပြီး ဆုချီးမြှင့်ပေးအပ်ခြင်း အခမ်းအနားကို ကျင်းပပြုလုပ်သွားမည်ဖြစ်သည်။

၇။ အခြားဖြည့်စွက်ချက်များ -

(၁) ပါဝင်ပေးပို့ထားသည့် လက်ရာများသည် လှုပ်ရှားမှုပွဲအစီအစဉ် ခေါင်းစဉ်နှင့် ကိုက်ညီမှုရှိပြီး အကောင်းမြင်တတ်သော အကြောင်းအရာဖြစ်ကာ နိုင်ငံအသီးသီးမှ လူငယ်များ၏ အရောင်အသွေး စုံလင်များပြားလှသည့် လက်တွေ့လူနေမှုဘဝ၊ တိုးတက်ကောင်းမွန်လိုသော စိတ်ဓာတ်ခံယူချက်ပုံစံများကို ထင်ဟပ်ပေါ်လွင်နေစေရမည်။

(၂) အစီအစဉ်တွင် ပါဝင်သူများအနေဖြင့် မိမိပေးပို့ထားသော လက်ရာများသည် မိမိမူပိုင် ဖန်တီးမှုလက်ရာဖြစ်ကြောင်း အာမခံနိုင်ရပြီး တတိယလူ(သို့) အဖွဲ့အစည်း၏ ဖန်တီးမှုမူပိုင်ခွင့်၊ မှတ်ပုံတင်မူပိုင်ခွင့်၊ ကုန်ပစ္စည်းမူပိုင်ခွင့်၊ ဂုဏ်ထူးဆောင်မူပိုင်ခွင့်နှင့် အခြားတရားဝင်မူပိုင်ခွင့်များကို ထိပါးချိုးဖောက်ထားခြင်း မရှိရပါ။ အကယ်၍ သတ်မှတ်ချက်နှင့် မကိုက်ညီသူများကို တွေ့ရှိပါက မည်သည့်အဆင့်တွင်ဖြစ်နေပါစေ ကြီးမှူးဆောင်ရွက်သူအနေဖြင့် ပြိုင်ပွဲဝင်ခွင့်နှင့် ဆုများကို ပယ်ဖျက်ရုတ်သိမ်းခွင့်ရှိသည်။

(၃) အစီအစဉ်တွင် ပါဝင်သူသည် ဗီဒီယိုကို ပေးပို့လိုက်သည်နှင့်တစ်ပြိုင်နက် အစီအစဉ်ကြီးမှူးဆောင်ရွက်သူထံ ဗီဒီယိုအား တည်းဖြတ်ပြုပြင်သုံးစွဲခွင့်နှင့် ဤလှုပ်ရှားမှုပွဲအစီအစဉ်၏ online နှင့် offline ထုတ်လွှင့်ပြသခွင့်များကိုပါ သဘောတူညီ လက်ခံထားခြင်းပင်ဖြစ်သည်။

(၄) ဤကြေညာချက်တွင် မပါဝင်သေးသော အချက်များရှိပါက ထပ်မံအကြောင်းကြားပေးသွားပါမည်။ ဤကြေညာချက်နှင့် ပတ်သက်၍ တရုတ်စုန့်ချင့်လင်ဖောင်ဒေးရှင်း လူငယ်သိပ္ပံနည်းပညာ ယဉ်ကျေးမှုဖလှယ်ဆက်ဆံရေးစင်တာ၏ ဆုံးဖြတ်ချက်သည်သာ အတည်ဖြစ်သည်။

“Junior Cultural Ambassadors” 2021

Registration Form

(ဤLinkကိုနှိပ်၍ နာမည်စာရင်းလျှောက်လွှာကို download ရယူနိုင်ပါသည်)

d57183c5c7b4278612723bc586c25cca.docx

附件一

2021中国宋庆龄基金会“文化小大使”活动

诗词目录

1.《送杜少府之任蜀州》 【唐】王勃

http://www.sclf.org/mjsd/202101/t20210107_19640.htm

城阙辅三秦，风烟望五津。

与君离别意，同是宦游人。

海内存知己，天涯若比邻。

无为在歧路，儿女共沾巾。

2.《静夜思》 【唐】李白

http://www.sclf.org/mjsd/202012/t20201231_19631.htm

床前明月光，疑是地上霜。

举头望明月，低头思故乡。

3.《芙蓉楼送辛渐》【唐】王昌龄

http://www.sclf.org/mjsd/202011/t20201123_19511.htm

寒雨连江夜入吴，平明送客楚山孤。

洛阳亲友如相问，一片冰心在玉壶。

4.《咏柳》【唐】贺知章

http://www.sclf.org/mjsd/202012/t20201229_19622.htm

碧玉妆成一树高，万条垂下绿丝绦。

不知细叶谁裁出，二月春风似剪刀。

5.《饮湖上初晴后雨》其二 【北宋】苏轼

http://www.sclf.org/mjsd/202012/t20201218_19606.htm

水光潋滟晴方好，山色空蒙雨亦奇。

欲把西湖比西子，淡妆浓抹总相宜。

6.《山行》【唐】杜牧

http://www.sclf.org/mjsd/202011/t20201130_19542.htm

远上寒山石径斜，白云生处有人家。

停车坐爱枫林晚，霜叶红于二月花。

7.《题西林壁》【北宋】苏轼

http://www.sclf.org/mjsd/202011/t20201113_19477.htm

横看成岭侧成峰，远近高低各不同。

不识庐山真面目，只缘身在此山中。

8.《绝句二首》【唐】杜甫

http://www.sclf.org/mjsd/202010/t20201016_19378.htm

迟日江山丽，春风花草香。

泥融飞燕子，沙暖睡鸳鸯。

9.《竹枝词》【唐】刘禹锡

http://www.sclf.org/mjsd/202101/t20210104_19636.htm

杨柳青青江水平，闻郎江上唱歌声。

东边日出西边雨，道是无情却有情。

10.《忆江南》【唐】白居易

http://www.sclf.org/mjsd/202009/t20200921_19276.htm

江南好，

风景旧曾谙；

日出江花红胜火，

春来江水绿如蓝。

能不忆江南？

(本附件中推荐的诗词目录出自中国宋庆龄基金会、中国广播电视社会组织联合会有声阅读委员会组织开展的“未来讲堂”古诗词名家诵读系列活动。)

附件二

2021中国宋庆龄基金会“文化小大使”活动

《相约北京》曲谱