ဗီဒီယိုကို China Daily Website မှ ပံ့ပိုးတင်ဆက်ပေးထားပါသည်။

ဤဗီဒီယိုသည် ပိုးလမ်းမကို အဓိကအကြောင်းအရာအဖြစ် ထားရှိ၍ နိုင်ငံခြားသားတစ်ဦးဖြစ်သည့် အစီအစဉ်တင်ဆက်သူ Kevin Cook ၏ တရုတ်နိုင်ငံရောက် ယဉ်ကျေးမှုခရီးစဉ်ကို နားလည်လွယ်အောင် ဖော်ပြတင်ဆက်ထားပါသည်။ ဘေးလူတစ်ယောက်၏ ရှုထောင့်အမြင်ဖြင့် Kevin ၏ ကိုယ်တွေ့အတွေ့အကြုံများမှတစ်ဆင့် တရုတ်ရိုးရာယဉ်ကျေးမှု၏ လက်ဆင့်ကမ်းအမွေဆက်ခံမှုနှင့် ဖွံ့ဖြိုးတိုးတက်မှုတို့အပြင် ခေတ်သစ်ယဉ်ကျေးမှု၏ ဆန်းသစ်တီထွင်မှုရလဒ်နှင့် အသက်ဝင်မှုတို့ကို ထင်ရှားစွာ တင်ဆက်ပြသထားပါသည်။

အကယ်၍ သင်သည် ကုလားအုတ်ကို စီး၍ လေနှင့်အတူ လွင့်ပါလာသော သဲပွင့်များကြား ဖြတ်သန်းကာ တွန်းဟွမ်(Dunhuang) ဟုခေါ်သော နေရာကို ရောက်ခဲ့ဖူးပါက တွန်းဟွမ် မော့ကောင်း(Mogao)လိုဏ်ဂူတွင် ကွယ်မြုပ်သိမ်းဆည်းထားသော နှစ်ပေါင်းရာထောင်ချီသက်တမ်းရှိ ဒဏ္ဍာရီဇာတ်ကြောင်းများကို အံ့အားသင့်ပြီး ကြုံဆုံသူတိုင်းကို တိတ်တိတ်လေး ပြောပြနေပေလိမ့်မည်သာ ဖြစ်သည်။

ကောင်းကင်ယံထက် ပျံဝဲနေသော နတ်များ၊ ကိုးရောင်သမင်၊ မှန်ကူကွက်မျက်နှာကြက်၊ ဘုရားပုံတော်… ထိုကဲ့သို့ ဒီဇိုင်းပုံများ ဖန်တီးသော အဝတ်အစားဒီဇိုင်းပညာရှင်များသည် ဖိတ်ခေါ်ဆော်ဩသံများကို ကြားရပြီး မော့ကောင်း(Mogao)လိုဏ်ဂူ၏ ပြောင်မြောက်မှုနှင့် ပြိုင်ဖက်ကင်းအလှတရားများကို ခံစားမိကာ ၎င်းတို့၏ မြင်တွေ့မှုများကို ပိုးထည်အဝတ်အစားဖန်တီးမှုများမှတစ်ဆင့် အသစ်တစ်ဖန် ပြန်လည်ဖော်ဆောင် ပြသထားပါသည်။

ယခုတစ်ခေါက် တွေ့ဆုံမှုနှင့် ရှာဖွေမှုများကြား Kevin အား စောင့်ဆိုင်းနေသည်မှာ သူ၏ ကိုယ်ပိုင်ပြပွဲစင်မြင့်ပင် ဖြစ်ပေသည်။