လူသားမျိုးနွယ်ကို နှိပ်စက်ဒုက္ခပေးနေသော Covid-19 အဆုတ်ရောင်ရောဂါသည် ယခုဆိုလျှင် တစ်ကမ္ဘာလုံး၏ ကြီးမားသောအကျပ်အတည်းနှင့် စမ်းသပ်စိန်ခေါ်မှုကြီးတစ်ရပ်အဖြစ် ဖြစ်ပေါ်လျက်ရှိပါသည်။ ကပ်ရောဂါကိုတိုက်ဖျက်အောင်နိုင်ရေးသည် နိုင်ငံတကာအသိုင်းအဝိုင်း၏ တူညီသောမျှော်လင့်ချက် ဖြစ်ပေသည်။ တရုတ်နိုင်ငံ စုန့်ချင်လင်ဖောင်ဒေးရှင်း (http://www.sclf.org/en/) မှ ကြီးမှူးကျင်းပသော “Covid-19 တိုက်ပွဲအစ တို့များမှ” ကမ္ဘာတစ်ဝန်းမှ ကလေးလူငယ်များ အွန်လိုင်းပုံပြောပြိုင်ပွဲလှုပ်ရှားမှုသည် ကမ္ဘာ့ဒေသအသီးသီးမှ ကလေးလူငယ်များအတွက် နှီးနှောဖလှယ်မှုများပြုလုပ်နိုင်မည့် ပလက်ဖောင်းကို တည်ဆောက်ပေးခြင်းဖြစ်သည်။ ကပ်ရောဂါတိုက်ပွဲမှ သူရဲကောင်းများအပေါ် လေးစားအားကျမှု၊ ကပ်ရောဂါတိုက်ပွဲ၏ အောင်မြင်ခြင်းဆီသို့ အတူတကွ ရှေ့ဆက်ချီတက်ရန် မျှော်လင့်ခြင်း၊ ချစ်ခင်စည်းလုံးစွာဖြင့် တစ်ကမ္ဘာလုံးဆိုင်ရာ ကပ်ရောဂါတိုက်ဖျက်ရေးကို  ပေါင်းစည်းဖော်ဆောင်ရေး အစရှိသည့် ဘုံရည်မှန်းချက်တို့ကို ဖော်ထုတ်ပြသနိုင်ရန် ကလေးလူငယ်များကို အားပေးတိုက်တွန်းသွားမည်ဖြစ်သည်။ 

ယခုလက်ရှိ ပြုလုပ်မည့် အွန်လိုင်းပုံပြောပြိုင်ပွဲသည် လက်ရာများစုဆောင်းခြင်းအဆင့်ကို လုပ်ဆောင်လျက်ရှိပြီး ဒေသအသီးသီးမှ ကလေးလူငယ်များ(၈နှစ်မှ ၁၄နှစ်အတွင်း)အားလုံး မိမိတို့၏လက်ရာများကို နာမည်စာရင်းပေးသွင်း၍ တင်ပြနိုင်သောကြောင့် အမြန်ဆုံး ဝင်ရောက်ပါဝင်ကြပါစို့။ သင့်ဘာသာစကားဖြင့် သင့်နိုင်ငံ၏ ရောဂါတိုက်ဖျက်ပုံကို ပြောပြနိုင်သည်၊ သင့်နှလုံးသားထဲမှ ကပ်ရောဂါတိုက်ပွဲဝင် သူရဲကောင်းများအကြောင်း ပြောပြနိုင်သည်၊ ကပ်ရောဂါတိုက်ဖျက်ရေးအတွက် သင်ပြုလုပ်ခဲ့သည့်အရာများကို ပြောပြနိုင်သည်၊ ကပ်ရောဂါတိုက်ဖျက်ရေးအတွက် ပူးပေါင်းဆောင်ရွက်မှုအကြောင်းများကို ပြောပြနိုင်သည်။

ပါဝင်ယှဉ်ပြိုင်သူများထဲမှ ကမ္ဘာတစ်ဝန်းရှိ အကောင်းဆုံး “ယဉ်ကျေးမှုသံတမန်ငယ်” ဆယ်ဦးနှင့် ထူးချွန်သည့် “ယဉ်ကျေးမှုသံတမန်ငယ်”များကို ရွေးချယ်ချီးမြှောက်မည်ဖြစ်သည်။ “ယဉ်ကျေးမှုသံတမန်ငယ်” အဖြစ် ရွေးချယ်ခံရသော ကလေးသူငယ်များကို ဂုဏ်ပြုဆုလက်မှတ်များ ချီးမြှင့်သွားမည့်အပြင် ပေကျင်း၌ကျင်းပမည့် လူငယ်နိုင်ငံတကာနှီးနှောဆက်ဆံရေးလှုပ်ရှားမှုပွဲတွင် ပါဝင်ဆင်နွှဲနိုင်မည့် အခွင့်အရေးကို ရရှိမည်ဖြစ်သည်။